پاکستانی سفارتکاروں نے بھارتی صحافیوں کے خلاف دوستانہ کرکٹ میچ جیت لیا

نئی دہلی (اردو پوائنٹ تازہ ترین اخبار ۔ 22 فروری 2021ء ) پاکستان ہائی کمیشن کے عہدیداروں اور بھارتی میڈیا ممبران کے مابین اتوار کو بھارتی دارلحکومت نئی دہلی میں واقع پاکستانی ہائی کمیشن کے گراؤنڈ میں دوستانہ کرکٹ میچ کھیلا۔ بھارتی خبر رساں ادارے اے این آئی کے مطابق 11،11 کھلاڑیوں پر مشتمل دونوں ٹیموں نے ٹیپ بال سے میچ کھیلا۔ پاکستانی ٹیم نے یہ دوستانہ میچ جیت لیا۔

(جاری ہے)

کھیل کے آغاز سے قبل دونوں ممالک کا قومی ترانہ کھیلا گیا۔ میچ کے اختتام پر دونوں ٹیموں کے کھلاڑیوں نے اس امید کا اظہار کیا کہ مستقبل میں بھی دونوں ممالک کے مابین کرکٹ کے کھیل سے محبت کے جذبے کو فروغ دینے کے لئے اسی طرح کے میچز کھیلے جائیں گے۔