شعیب اختر کا شرجیل خان کو وزن کم کرنے کا مشورہ

سمجھتا ہوں کہ اگر کامران اکمل اور شرجیل خان اوپنرز ہوں تو پاکستان کے اوپننگ مسائل ختم ہوسکتے ہیں :سابق فاسٹ بائولر

Zeeshan Mehtab ذیشان مہتاب ہفتہ 27 فروری 2021 14:01

شعیب اختر کا شرجیل خان کو وزن کم کرنے کا مشورہ
کراچی (اردو پوائنٹ تازہ ترین اخبار ۔ 27 فروری 2021ء ) سابق فاسٹ بائولر شعیب اختر نے کراچی کنگز کے اوپنر شرجیل خان کو وزن میں کمی کرنے کا مشورہ دیا ہے ۔ اپنے یوٹیوب چینل پر 45 سالہ شعیب اختر نے کہا کہ پی ایس ایل 2 کے دوران پاکستان کرکٹ اور خود کو نقصان پہنچانے والے شرجیل خان کا زبردست کم بیک ہوا ہے لیکن میں ان کی فٹنس کے بارے میں بات کرنا چاہتا ہوں کہ اگر آپ اس حوالے سے سنجیدہ نہیں ہوئے تو پھر پاکستان ٹیم میں شامل ہونے کے امکانات انتہائی کم ہوجائیں گے۔

(جاری ہے)

انہوں نے کہا کہ 5 سال بہت بڑا عرصہ ہوتا ہے، میں سمجھتا ہوں کہ اگر کامران اکمل اور شرجیل خان سے اوپننگ کروائی جائے تو پاکستان کے اوپننگ مسائل ختم ہوسکتے ہیں۔ یاد رہے کہ 31 سالہ شرجیل خان پر فکسنگ میں ملوث رہنے کی وجہ سے پابندی عائد ہوئی، اب وہ کھیل میں واپس آچکے ہیں اور بدھ کو انھوں نے اسلام آباد یونائیٹڈ کے خلاف کراچی کنگز کی جانب سے سنچری بھی بنائی تھی تاہم کراچی کنگز کی ٹیم میچ جیتنے میں ناکام رہی۔                                                                                                                                                                     
وقت اشاعت : 27/02/2021 - 14:01:15

مزید متعلقہ خبریں پڑھئیے‎ :