قومی کرکٹرز کا وزیراعظم عمران خان کی صحت یابی کے لیے نیک خواہشات کا اظہار

لاہور (اردو پوائنٹ تازہ ترین اخبار ۔ 20 مارچ 2021ء ) قومی ٹیم کے سابق کپتان وزیراعظم عمران خان کا کورونا ٹیسٹ مثبت آنے کے بعد سابق کرکٹرز نے ان کی صحت یابی کے لیے نیک خواہشات کا اظہار کیا ہے۔ یہ خبر وزیراعظم عمران خان کی جانب سے 2 دن قبل کورونا وائرس سے بچائو کی ویکسین لگوائے جانے کے بعد سامنے آئی ہے۔ وزیراعظم نے ابھی کورونا ویکیسن کی پہلی ڈوز لگوائی ہے۔

ڈاکٹر فیصل سلطان نے مزید کہا کہ وزیر اعظم اب گھر میں قرنطینہ میں چلے گئے ہیں ۔

(جاری ہے)

قومی ٹیم کے موجودہ اور سابق کھلاڑیوں نے 1992ء کا ورلڈ کپ جیتنے والے کپتان کی جلد صحتیابی کیلئے نیک خواہشات کااظہار کیا ۔ یاد رہے کہ ہفتے کے روز پاکستان میں کوویڈ 19 کے 3،876 کیسز سامنے آئے جو 8 ماہ میں سب سے زیادہ ہے۔ پچھلے 24 گھنٹوں کے دوران ملک میں وائرس سے کم از کم 42 اموات ریکارڈ کی گئیں۔