زندگی کے قیمتی لمحات میں فیملی سے دور ہونے پر دٴْکھ ہے ،حسن علی

بدھ اپریل 16:12

زندگی کے قیمتی لمحات میں فیملی سے دور ہونے پر دٴْکھ ہے ،حسن علی
اسلام آباد (اُردو پوائنٹ اخبارتازہ ترین - این این آئی۔ 07 اپریل2021ء) قومی کرکٹ ٹیم کے فاسٹ بولر حسن علی بیٹی کی پیدائش پر اہلِ خانہ سے دور ہونے پر کہا ہے کہ زندگی کے قیمتی لمحات میں فیملی سے دور ہونے پر دٴْکھ ہے۔حسن علی نے اپنے ٹوئٹ میں بیٹی کی پیدائش پر جذبات کا اظہار کرتے ہوئے کہا کہ اپنی زندگی کے اس قیمتی لمحے میں میرا فیملی کے ہمراہ نہ ہونا یکدم دٴْکھی کردیتا ہے۔

(جاری ہے)

انہوں نے اپنے ٹوئٹ میں یہ بھی لکھا کہ اس وقت ملک کی خدمت کر کے میں خوشی محسوس کررہا ہوں۔یاد رہے کہ گزشتہ روز حسن علی نے سوشل میڈیا پر جاری پیغام میں بتایا تھا کہ اللّٰہ نے انہیں بیٹی کی رحمت سے نوازا ہے، ننھی شہزادی کو ہماری فیملی میں خوش آمدید۔واضح رہے کہ 20 اگست 2019 کو حسن علی بھارتی دوشیزہ سامعہ آرزو کے ساتھ رشتہ ازدواج میں منسلک ہوئے تھے۔ شادی کی شاندار تقریب دنیا کے مہنگے ترین ہوٹلوں میں سے ایک دبئی کے سیون اسٹار ہوٹل میں منعقد کی گئی تھی۔سامعہ آرزو متحدہ عرب امارات میں مقیم ہیں لیکن وہ گوجرانوالہ بھی آتی رہتی ہیں۔

مزید متعلقہ خبریں پڑھئیے‎ :

وقت اشاعت : 07/04/2021 - 16:12:07

Your Thoughts and Comments