لاہور قلندر کے فاسٹ باؤلر کی موٹرسائیکل چوری ہوگئی

احمد دانیال کی موٹرسائیکل گلشن اقبال پارک سے چوری کرلی گئی

ذیشان مہتاب جمعرات 8 اپریل 2021 15:39

لاہور قلندر کے فاسٹ باؤلر کی موٹرسائیکل چوری ہوگئی

لاہور (اردو پوائنٹ تازہ ترین اخبار ۔ 8 اپریل 2021ء ) پاکستان سپر لیگ کی ٹیم لاہور قلندرز کے فاسٹ باؤلراحمد دانیال کی موٹرسائیکل گلشن اقبال پارک سے چوری کرلی گئی ۔ تفصیلات کے مطابق احمد دانیال سیر کرنے کے لیے اقبال ٹاؤن کے علاقے گلشن اقبال پارک آئے تھے ، اس دوران پارک کے باہر کھڑی ان کی موٹرسائیکل کو نامعلوم ملزم نے چوری کرلیا ۔

(جاری ہے)

پولیس کے مطابق واقعہ کا مقدمہ درج کرلیا گیا ہے اور سی سی ٹی وی فوٹیج اور دیگر شواہد کی روشنی میں تحقیقات جاری ہیں، جلد ہی ملزم کو ٹریس کرکے احمد دانیال کی موٹرسائیکل کو برآمد کرلیا جائے گا۔

وقت اشاعت : 08/04/2021 - 15:39:10