ق*پاکستان اور زمبابوے کے درمیان پہلا ٹی 20 انٹرنیشنل میچ 21 اپریل کو کھیلا جائے گا

اتوار 18 اپریل 2021 17:50

ن لاہور (اُردو پوائنٹ اخبارتازہ ترین - آن لائن۔ 18 اپریل2021ء) پاکستان اور زمبابوے کی کرکٹ ٹیموں کے درمیان تین ٹی 20 انٹرنیشنل میچوں پر مشتمل سیریز کا پہلا میچ 21 اپریل کو ہرارے سپورٹس کلب میں کھیلا جائے گا۔

(جاری ہے)

قومی کرکٹ ٹیم جنوبی افریقہ کے کامیاب دورے کے بعد بابر اعظم کی قیادت میں زمبابوے پہنچ گئی ہے جہاں وہ میزبان ٹیم کے خلاف تین ٹی 20 انٹرنیشنل اور دو ٹیسٹ میچوں کی سیریز کھیلے گی۔ ٹی 20 سیریز کا پہلا میچ 21 اپریل، دوسرا میچ 23 اپریل جبکہ تیسرا اور آخری میچ 25 اپریل کو کھیلا جائے گا۔ دونوں ٹیموں کے درمیان سیریز کا پہلا ٹیسٹ 29 اپریل سے 3 مئی جبکہ دوسرا ٹیسٹ 7 سے 11 مئی تک کھیلا جائے گا۔ دورہ میں شامل تمام میچز ہرارے سپورٹس کلب میں کھیلے جائیں گے۔
وقت اشاعت : 18/04/2021 - 17:50:14

مزید متعلقہ خبریں پڑھئیے‎ :

متعلقہ عنوان :