پیٹ کمنزنے بھارت سے ٹی ٹونٹی ورلڈ کپ یواے ای منتقل کرنے کیلئے آوازاٹھادی

سڈنی (اردو پوائنٹ تازہ ترین اخبار ۔ 7 مئی 2021ء )  آسٹریلوی فاسٹ بائولر پیٹ کمنزنے بھی بھارت سے ٹی ٹونٹی ورلڈ کپ یواے ای منتقل کرنے کے لیے آواز بلند کردی۔

(جاری ہے)

میڈیا رپورٹس کے مطابق 27 سالہ پیٹ کمنز کا کہنا ہے کہ کورونا کیسزمیں تشویش ناک حد تک اضافے اورآئی پی ایل بائیو سیکیور ببل میں کیسز رپورٹس ہونے کے بعد اس وقت صورت حال کسی بھی لحاظ سے محفوظ نہیں، ابھی چھ ماہ کا وقت ضرور ہے تاہم کرکٹ حکام کو اس سلسلے میں بھارتی حکومت سے رابطہ کرکے مناسب اورموزوں آپشن اختیارکرنا چاہیے۔

 یاد رہے کہ پیٹ کمنز انڈین پریمئرلیگ میں کولکتہ نائٹ رائیڈرکا حصہ ہیں اورانہوں نے بھارت میں کورونا متاثرین کی مدد کے لیے 50 ہزار ڈالربھی عطیے کیے ہیں۔