سابق ٹیسٹ کرکٹر اعزاز چیمہ کے گھر ڈکیتی، ڈاکوؤں نے بیٹے کو پستول کے زور پر لوٹ لیا

لاہور (اردو پوائنٹ تازہ ترین اخبار ۔ 8 مئی 2021ء ) لاہور میں سابق ٹیسٹ کرکٹر اعزاز چیمہ کے گھر ڈکیتی کی واردات ہوئی جس میں ڈاکو نقدی اور موبائل فون چھین کر فرار ہوگئے۔

(جاری ہے)

 نجی ٹی وی کے مطابق 41 سالہ اعزاز چیمہ نے بتایا کہ ان کی رہائش گاہ کینال روڈ پر واقع نجی ہاؤسنگ سوسائٹی میں ہے، وہ گھر سے باہر نکلے ہوئے تھے کہ اس دوران 6 ڈاکوؤں نے پہلے ان کے سامنے والے گھر میں ڈکیتی کی واردات کی، اسی دوران ان کی اہلیہ شاپنگ کرکے واپس آئیں تو 2 ڈاکو ان کے ساتھ ہی گھر میں گھس گئے۔

اعزاز چیمہ کا مزید کہنا تھا کہ ڈاکوؤں نے ان کے بیٹے پر پستول تان کر نقدی اور موبائل فون چھین لیا اور فرار ہوگئے۔ مقامی پولیس کا کہنا ہے کہ اعزاز چیمہ کی درخواست موصول ہو گئی ہے جس پر کارروائی کررہے ہیں۔