کورونا کے باعث ایشیاء کپ ٹی ٹونٹی ایک بار پھر ملتوی کردیا گیا

لاہور (اردو پوائنٹ تازہ ترین اخبار ۔ 20 مئی 2021ء ) کورونا وائرس کے باعث سری لنکا میں شیڈول ایشیاء کپ ٹی 20 ملتوی کردیا گیا ۔ تفصیلات کے مطابق کورونا وائرس کے سبب ایشیا کپ ٹی 20 بھی ملتوی کردیا گیا، ایشیاء کپ آئندہ ماہ سری لنکا میں شیڈول تھا ۔ سری لنکن بورڈ کے چیف ایگزیکٹو ایشلے ڈی سلوا کا کہنا ہے کہ موجودہ حالات میں جون میں ایونٹ کا انعقاد ممکن نہیں ہے ۔

میڈیا سے بات کرتے ہوئے انہوں نے کہا کہ اگلی انٹرنیشنل مصروفیات کو دیکھتے ہوئے کہا جاسکتا ہے کہ ایشیا کپ کے مقابلے اب ورلڈ کپ 2023ء کے بعد ہی ممکن ہوسکیں گے ۔

(جاری ہے)

یاد رہے کہ رواں سال فروری میں چیئرمین پی سی بی احسان مانی کا کہنا تھا کہ لگتا ہے سری لنکا میں ہونے والا ایشیاء کپ نہیں ہوگا، ممکن ہے کہ اسے 2023ء تک ملتوی کرنا پڑے ۔ ان کا کہنا تھا کہ جون میں آئی سی سی ٹیسٹ چیمپئن شپ کا فائنل کھیلا جائے گا اور پاکستانی کرکٹ ٹیم جنوبی افریقہ کے دورے کے بعد زمبابوے کا دورہ کرے گی، جس کے باعث لگتا ہے کہ سری لنکا میں ہونے والے ایشیاء کپ نہیں ہوسکے گا ۔