پی ایس ایل 6 ابوظہبی سے شارجہ منتقل کیے جانے کا امکان

لاہور (اردو پوائنٹ تازہ ترین اخبار ۔ 2 جون 2021ء ) پاکستان سپر لیگ (پی ایس ایل) 6 کے بقیہ میچز ابوظہبی سے شارجہ منتقل کیے جانے کا امکان ہے۔ ذرائع کا کہنا ہے کہ ابوظہبی میں سخت کورونا پروٹوکولز کی وجہ سے پی ایس ایل کے چھٹے ایڈیشن کے بقیہ میچز کو شیخ زید سٹیڈیم،ابوظہبی سے شارجہ کرکٹ سٹیڈیم منتقل کرنے پر غور شروع کردیا گیا ہے۔

(جاری ہے)

ذرائع کا کہنا تھا کہ ابوظہبی سے نکالے گئے بھارتی ٹیکنیشنز اب دبئی میں قرنطینہ کے 7 دن مکمل کریں گے، بھارتی ٹیکنیشنز کی کلائیوں میں قرنطینہ بینڈ باندھا گیا ہے۔

ذرائع کا کہنا تھا کہ بھارتی ٹیکنیشنز ابھی ایک مخصوص علاقے سے باہر نہیں جاسکتے، بھارتی ٹیکنیشنز سب سے اہم پروڈکشن سٹاف میں شامل ہیں، ذرائع کا کہنا تھا کہ ٹیکنیشنز کے بغیر ٹیلی وژن پروڈکشن کا آغاز نہیں ہوسکے گا، بھارتی مرکزی ٹیکنیشنز شارجہ میں خدمات انجام دے سکتے ہیں۔