ایرون فنچ نے سعید اجمل کو کیریئر کا مشکل ترین بائولر قرار دیدیا

میلبورن (اردو پوائنٹ تازہ ترین اخبار ۔ 3 جون 2021ء ) آسٹریلین وائٹ بال کپتان ایرون فنچ نے آف سپنر سعید اجمل کو اپنے کیریئر کا مشکل ترین بائولر قرار دیا ہے۔ 34 سالہ ایرون فنچ نے انسٹاگرام پر سوال جواب کے سیشن کی میزبانی کرتے ہوئے سعید اجمل کو مشکل ترین بائولر قرار دیا ۔

(جاری ہے)

واضح رہے کہ ماضی میں دنیا کے کئی بڑے بڑے بلے بازوں نے بھی سعید اجمل کو سخت ترین بائولر قرار دیا جن میں انگلینڈ کے جو روٹ اور جنوبی افریقہ کے فاف ڈوپلیسی بھی شامل ہیں ۔

43 سالہ سعید اجمل نے 2008ء سے 2015ء کے دوران 35 ٹیسٹ ، 115 ون ڈے اور 64 ٹی ٹونٹی میچوں میں پاکستان کی نمائندگی کی اور بالترتیب 178 ، 184 اور 85 شکار کیے۔ انہوں نے مجموعی طور پر بین الاقوامی کرکٹ میں 447 وکٹیں لیں۔