پی ایس ایل6، 5 کرکٹرز تاحال یو اے ای کے ویزے سے محروم

لاہور (اردو پوائنٹ تازہ ترین اخبار ۔ 7 جون 2021ء ) پاکستان سپر لیگ (پی ایس ایل) سیزن 6 کے بقیہ میچز میں شرکت کیلئے 5 کرکٹرز تاحال متحدہ عرب امارات کے ویزوں کے منتظر ہیں ۔ ذرائع کے مطابق مڈل آرڈر بلے باز عمر امین، عمران رندھاوا اور لیفٹ آرم سپنر آصف آفریدی لاہور کے ہوٹل میں ابوظہبی جانے کے منتظر ہیں جب کہ آل رائونڈر حماد اعظم اور لیفٹ آرم سپنر خالد عثمان نے انگلینڈ سے ابوظہبی آنا ہے ۔

(جاری ہے)

ذرائع کا کہنا ہے کہ حماد اعظم نے پی ایس ایل 6 کے لیے انگلینڈ میں کلب کنٹریکٹ ختم کر دیا ہے ۔ پاکستان کرکٹ بورڈ (پی سی بی) کے ذرائع کا کہنا ہے کہ کرکٹرز کے ویزوں کا کام جاری ہے، اس میں پیش رفت کا انتظار ہے ۔