کراچی: فٹبال میچ کھیلتے ہوئے کھلاڑی دل کا دورہ پڑنے سے چل بسا

کراچی (اردو پوائنٹ تازہ ترین اخبار ۔ 21 جون 2021ء ) فٹ بال میچ کے دوران نوجوان کھلاڑی انتقال کرگیا۔ 22 سالہ عثمان علی ولد انور علی ینگ رشید آباد فٹبال بال کلب کا کھلاڑی تھا جسے میچ کے دوران دل کا دورہ پڑا ۔

(جاری ہے)

لیاری کے علاقے گبول پارک میں دوران میچ اس کی طبیعت خراب ہوئی تاہم گراؤنڈ میں ہنگامی بنیاد پر میڈیکل ایڈ کا کوئی انتظام نہیں تھا، عثمان علی کو فوری طور پر قریبی ہسپتال لے جایا گیا لیکن دوران علاج وہ چل بسا ۔

عثمان علی سندھ پولیس میں کانسٹیبل کی حیثیت سے خدمات سرانجام دے رہا تھا، مرحوم کی تدفین بلدیہ ٹاؤن کے علاقے عابد آباد کے قبرستان میں کردی گئی ہے۔ عثمان علی نے سوگواران میں دو معصوم بیٹیاں اور بیوہ چھوڑی ہیں۔