اولمپیئن نوید عالم کو بلڈ کینسر کی تشخیص

لاہور (اردو پوائنٹ تازہ ترین اخبار ۔ 6 جولائی 2021ء ) اولمپیئن اور 1994 کے ہاکی ورلڈ کپ کے ہیرو نوید عالم کو بلڈ کینسر کی تشخیص ہوگئی۔ شوکت خانم ہسپتال میں 47 سالہ نوید کو بلڈ کینسر کی تشخیص ہوئی ۔ ان کی بیٹی ہاجرہ نوید کے مطابق شوکت خانم کے ڈاکٹروں نے علاج کا تخمینہ 40 لاکھ روپے بتایا ہے۔

(جاری ہے)

حاجرہ نوید نے والد کے علاج کے لیے مالی مدد کی درخواست کرتے ہوئے کہا کہ بابا نے پاکستان کو 1994ء کا ورلڈ کپ جتوایا ،علاج میں مدد کی ضرورت ہے ، انہوں نے نوید عالم کے علاج کے لئے وفاقی اور صوبائی حکومتوں سے اپیل کی ہے۔

واضح رہے کہ نوید عالم ورلڈ کپ 1994ء جیتنے والی قومی ٹیم اور چیمپئنز ٹرافی کے سکواڈ کا حصہ تھا۔ انہوں نے بیجنگ اولمپکس میں قومی ٹیم کے ہیڈ کوچ کی حیثیت سے بھی خدمات انجام دیں۔