سابق کپتان جاوید میانداد کی ہمشیرہ اور سابق ٹیسٹ کرکٹر فیصل اقبال کی والدہ انتقال کرگئیں

کراچی (اردو پوائنٹ تازہ ترین اخبار ۔ 31 جولائی 2021ء ) قومی ٹیم کے سابق کپتان جاوید میانداد کی ہمشیرہ اور سابق ٹیسٹ کرکٹر فیصل اقبال کی والدہ رضائے الہی سے انتقال کرگئی ہیں ۔

(جاری ہے)

فیصل اقبال نے سوشل میڈیا پلیٹ فارم ٹویٹر پر یہ افسوس ناک خبر شیئر کرتےہوئے لکھا کہ ’’بھاری دل کے ساتھ میں یہ بتانا چاہتا ہوں کہ کینسر اور عارضہ قبل کے ساتھ ایک طویل جنگ کے بعد میری والدہ اور جاوید میانداد کی بہن انتقال کر گئی ہیں، إِنَّا لِلَّهِ وَإِنَّا لَِلَيْهِ رَاجِعُونَ، برائے مہربانی انہیں اپنی دعائوں میں یاد رکھیں ، نماز جنازہ آج رات میری والدہ کے گھر پر ہوگی‘‘۔

فیصل اقبال کی والدہ کے انتقال پر پی سی بی حکام اور کرکٹرز ان سے اظہار تعزیت کررہے ہیں ۔