کشمیر پریمیئر لیگ کیلئے ٹکٹوں کی آن لائن فروخت کا آغاز

مظفرآباد (اردو پوائنٹ تازہ ترین اخبار ۔ 4 اگست 2021ء ) کشمیر پریمیئر لیگ کی ٹکٹوں کی فروخت آج سے شروع ہونے کا امکان ہے ، شائقن ٹکٹ آن لائن یا مظفر آباد کرکٹ سٹیڈیم سے خرید سکیں گے ۔ ذرائع کا کہنا ہے کہ کشمیر پریمیئر لیگ میں ٹکٹوں کی مختلف قیمت رکھی گئی ہے ، کم سے کم ٹکٹ 750 روپے جبکہ وی آئی پی ٹکٹ کی قیمت 2500 روپے رکھی گئی ہے ۔ این سی او سی کی سٹیڈیم میں شائقین کی اجازت کے بعد ٹکٹ کی فروخت شروع کرنے کا فیصلہ کیا گیا ہے ، شائقین ٹکٹ آن لائن خرید سکیں گے اور مظفر آباد کرکٹ سٹیڈیم سے بھی حاصل کرسکتے ہیں ۔

(جاری ہے)

ذرائع کا کہنا ہے کہ ہر میچ کی تقریبا 3000 ٹکٹیں فروخت کیلئے مختص کی جائیں گی ۔ واضح رہے کہ مظفر آباد میں ایونٹ کا آغاز 6 اگست سے ہوگا جب کہ فائنل 17 اگست کو کھیلا جائے گا ، تمام میچز مظفر آباد سٹیڈیم میں ہی کھیلے جائیں گے ۔ کشمیر پریمیئر لیگ کے اولین ایڈیشن کے 19 میں سے 12 میچزڈے اینڈ نائٹ ہوں گے ۔ مایہ ناز آل راونڈر شاہد آفریدی کی راولاکوٹ اور شعیب ملک کی میر پور ہاکس افتتاحی میچ میں مدمقابل ہوگی ۔