برطانوی فاسٹ بائولر جوفرا آرچر رواں سال کے اختتام تک کرکٹ سے باہر

لندن (اردو پوائنٹ تازہ ترین اخبار ۔ 6 اگست 2021ء ) انگلش کرکٹ ٹیم کے فاسٹ بولر جوفرا آرچر انجری کے باعث رواں سال کے ختتام تک کرکٹ سے باہر ہوگئے۔انگلش کرکٹ بورڈ کی جانب سے جاری بیان کے مطابق فاسٹ بولر جوفرا آرچر کی کہنی میں ایک بار پھر فریکچر ہوا ہے جس کے باعث وہ رواں سال کے اختتام تک کرکٹ نہیں کھیل سکیں گے۔ انگلش کرکٹ بورڈ کے مطابق آرچربھارت کے خلاف سیریز اور ٹی ٹونٹی ورلڈکپ کا حصہ بھی نہیں ہوں گے۔

(جاری ہے)

خیال رہے کہ 26 سالہ فاسٹ بولر حال ہی میں کہنی کے آپریشن کے بعد ڈومیسٹک کرکٹ میں واپس آئے تھے تاہم کہنی میں تکلیف کے باعث ڈاکٹروں نے انہیں مزید آرام کرنے کا مشورہ دیا ہے۔ جوفرا آرچر نے 13 ٹیسٹ میں 31.04 کی اوسط سے 42 اور ٹی 20 میں 26.50 کی اوسط سے 14 وکٹیں حاصل کرکھی ہیں۔