پیرس اولمپکس سے ویٹ لفٹنگ اور باکسنگ کے نکالے جانے کا قوی امکان

لندن (اردو پوائنٹ تازہ ترین اخبار ۔ 10 اگست 2021ء ) انٹرنیشنل اولمپک کمیٹی نے اولمپک گیمز سے چند کھیلوں کو ہٹانے کیلئے اپنے اختیارات وسیع کر لئے ۔

(جاری ہے)

ذرائع کے مطابق طویل عرصے سے ڈوپ کیسز اور گورننس مسائل بشمول مالی بدعنوانی کے باعث پیرس اولمپکس 2024ء سے ویٹ لفٹنگ کا کھیل نکالے جانے کا قوی امکان ہے جب کہ آئی بی اے کی جاری اصلاحات اور ٹوکیو اولمپکس میں باکسنگ کی پرفارمنس کا جائزہ لے کر اس کھیل کو باضابطہ تسلیم کرنے یا نہ کرنے کا فیصلہ کیا جائے گا ۔

آئی او سی کے صدر تھامس بیخ کی سربراہی میں ایگزیکٹو بورڈ کو یہ اختیار بھی حاصل ہو گیا ہے کہ اگر کسی کھیل کی گورننگ باڈی فیصلے کی تعمیل نہیں کرتی تو اس کھیل کو اولمپکس سے معطل کیا جاسکتا ہے ۔