کیریبسن لیگ،وہاب ریاض کی گیند کو وائیڈ قرار نہ دینے پر کیرون پولارڈ ناراض

بیسیٹر / سینٹ کٹس (اردو پوائنٹ تازہ ترین اخبار ۔ 2 ستمبر 2021ء ) کیریبیئن پریمیئر لیگ (سی پی ایل) کے میچ کے دوران وہاب ریاض کی گیند کو وائیڈ قرار نہ دینے پر کیرون پولارڈ ناراض ہوگئے۔

(جاری ہے)

ٹرائنباگو نائٹ رائیڈرز اور سینٹ لوشیا کنگز کے درمیان میچ کے 19 ویں اوور میں وہاب کی رائونڈ دی وکٹ کروائی گیند کافی باہر جا رہی تھی،اس تک پہنچنے کے لیے سٹرائیکر ٹم سائیفرٹ کو مشکل کا سامنا کرنا پڑا تاہم امپائر نے وائیڈ کا اشارہ نہیں دیا، اس پر سائیفرٹ اور نان سٹرائیکر پر موجود پولارڈ دونوں ہی ناخوش دکھائی دیے۔

اگرچہ سائیفرٹ نے تو کچھ نہیں کہا مگر پولارڈ نے پہلے امپائر سے بحث کی اور پھر بطور احتجاج وہاں سے دور 30 گز کے نشان پر جاکر کھڑے ہوگئے تاہم کچھ دیر بعد واپس اپنی جگہ پر لوٹ آئے۔