بیچ ریسلنگ ورلڈ سیریز، انعام بٹ کوارٹر فائنل میں پہنچ گئے

روم (اردو پوائنٹ تازہ ترین اخبار ۔ 4 ستمبر 2021ء ) ورلڈ بیچ ریسلنگ کے مقابلے میں پاکستانی ریسلر انعام بٹ نے مسلسل دوسری فتح بھی حاصل کرلی ہے۔ نجی ٹی وی کی رپورٹ کے مطابق ورلڈ بیچ ریسلنگ کے مقابلے اٹلی میں جاری ہیں، جہاں 90 کلوگرام کیٹگری میں پاکستانی ریسلر انعام بٹ کا پہلا مقابلہ یوکرائنی ریسلر کے ساتھ ہوا۔ انعام بٹ نے مخالف کھلاڑی کو باآسانی زیر کر کے ایونٹ کی پہلی فتح اپنے نام کی۔

(جاری ہے)

ایک گھنٹے بعد انعام بٹ کی دوسری فائٹ یونانی ریسلر کے ساتھ ہوئی، اس مقابلے میں بھی انہوں نے فتح اپنے نام کی۔ دوسری فتح کے ساتھ ہی انعام بٹ نے کوارٹر فائنل تک رسائی حاصل کرلی ہے، انعام بٹ ہفتے کو کوارٹر فائنل کے لیے ترکی کے ریسلر کے مدمقابل ہوں گے۔