بابراعظم ، محمد رضوان کا سرفراز احمد کو ٹی 20 ورلڈ کپ سکواڈ میں شامل کرنے کا مطالبہ: رپورٹ

لاہور (اردو پوائنٹ تازہ ترین اخبار ۔ 8 ستمبر 2021ء ) ایک مقامی نیوز چینل کے مطابق پاکستانی کپتان بابراعظم اور وکٹ کیپر بیٹسمین محمد رضوان نے سرفراز احمد کو ٹی 20 ورلڈ کپ سکواڈ میں شامل کرنے کا مطالبہ کیا ہے۔ پاکستان کے سابق کپتان کو اعظم خان کی جگہ پیر کو اعلان کردہ ٹیم سے باہر کردیا گیا۔ بابر اور رضوان دونوں کی رائے ہے کہ ٹیم میں سرفراز کے تجربے کی ضرورت ہے۔

(جاری ہے)

سرفراز احمد کی کپتانی میں قومی ٹیم ٹی ٹونٹی رینکنگ میں پہلی پوزیشن پر پہنچی اور 2 سال تک دنیا کی بہترین ٹیم رہی ۔ 34 سالہ سرفراز احمد نے 37 میچوں میں پاکستان کی قیادت کی اور 2016ء سے 2019ء میں ان میں سے 29 مقابلے جیتے۔ سرفراز احمد نے پاکستان کے لیے 60 میچوں میں 126.67 کے سٹرائیک ریٹ سے 812 رنز بنائے ہیں جن میں 3 نصف سنچریاں شامل ہیں۔