بیچ ریسلنگ ورلڈ سیریز،انعام بٹ نے گولڈ میڈل جیت لیا

لاہور (اردو پوائنٹ تازہ ترین اخبار ۔ 12 ستمبر 2021ء ) پاکستانی پہلوان انعام بٹ نے بیچ ریسلنگ ورلڈ سیریز جیت کر پاکستان کے لیے ایک اور سونے کا تمغہ حاصل کرلیا۔ انعام بٹ نے فائنل مقابلے میں آذربائیجان کے پہلوان کے خلاف کامیابی حاصل کی۔ تین منٹ کی اس سنسنی خیز فائٹ میں مقابلہ 2-2 سے برابر تھا تاہم آخری پوائنٹ انعام بٹ نے حاصل کیا جس کی بنیاد پر وہ فاتح قرار پائے۔

(جاری ہے)

انعام بٹ نے ایونٹ کی 90 کلوگرام کٹیگری میں حصہ لیا تھا۔ اس سے قبل انعام بٹ نے یوکرائن کے پہلوان کو 1-3 سے شکست دے کر فائنل کے لیے کوالیفائی کیا تھا۔ ایونٹ کے دوسرے سیمی فائنل میں پاکستان کے زمان انور کو جارجیا کے پہلوان نے 0-1 سے ہرایا۔ اس سے قبل انعام بٹ نے روم میں ہونے والے دوسرے ٹورنامنٹ میں گولڈ میڈل جیتا تھا۔