جب بیٹا پوری قوم کا فخر بن جائے،سوشل میڈیا کا بابراعظم کے والد کو خراج تحسین

لاہور (اردو پوائنٹ تازہ ترین اخبار ۔ 25 اکتوبر 2021ء ) پاکستان نے بابراعظم کی قیادت میں بھارت کو تاریخی شکست دی، جس سے پوری پاکستانی قوم سر فخر سے بلند ہو گئے۔ لیکن ایک ایسا شخص تھا جس کو پاکستان کی جیت کے ساتھ اپنے بیٹے کی محنت نے رلا دیا، قومی ٹیم کی تاریخی فتح کے بعد کپتان بابراعظم کے والد کی ایک ویڈیو سوشل میڈیا پر بے حد وائرل ہے جس میں وہ بھارت سے جیت کے بعد خوشی سے آبدیدہ ہیں، اور لوگ بھی ان کو آکر مبارکباد دے رہے ہیں۔

(جاری ہے)

سوشل میڈیا پر پاکستانی بابراعظم کی وہ تصاویر بھی شئیر کر رہے ہیں جن میں وہ بائیک پر اپنے والد کے پیچھے بیٹھے پریکٹس کے لیے جا رہے ہیں۔

بابراعظم نے اپنے آپ کو ایک ورلڈ کلاس بیٹس مین اور باصلاحیت کپتان کے طور پر منوایا ہے اور اس وقت پوری قوم بابراعظم کی قیادت میں ورلڈ کپ ٹی 20 کی ٹرافی گھر لانے کی امید لگائے بیٹھی ہے۔