محمد رضوان نے بھی کوہلی سے ایک اعزاز چھین لیا

لاہور (اردو پوائنٹ تازہ ترین اخبار ۔ 2 نومبر 2021ء )  پاکستان کرکٹ ٹیم کے کپتان بابراعظم کے بعد محمد رضوان نے بھی بھارتی کرکٹ ٹیم کے کپتان ویرات کوہلی سے ایک اعزاز چھین لیا۔ ٹی ٹونٹی ورلڈکپ کے سپر 12 مرحلے کے میچ میں نمیبیا کے خلاف محمد رضوان نے شاندار بیٹنگ کی۔ محمد رضوان 79 رنز بناکرناقابل شکست رہے۔

(جاری ہے)

اس اننگز کے ساتھ ہی ٹی ٹونٹی انٹرنیشنل میں ایک ہزار رنز بنانے والوں کے بہترین ایوریج میں رضوان کا پہلا نمبر ہے۔

نمیبیا کے خلاف اننگز کے بعد رضوان کی کیریئر ایورج 52.66 ہوگئی ہے۔ بھارت کے ویرات کوہلی کی بیٹنگ ایوریج 52.01 ہے۔ کیریئر میں کم از کم ہزار رنز بنانے والوں میں سب سے بہتر اوسط کے مالک اب محمد رضوان بن گئے ہیں۔