روہت شرما کی فاسٹ بائولر سراج کو تھپڑ مارنے کی ویڈیو وائرل

جے پور (اردو پوائنٹ تازہ ترین اخبار ۔ 18 نومبر 2021ء ) گزشتہ روز بھارت نے نیوزی لینڈ کو پہلے ٹی ٹونٹی میچ میں باآسانی 5 وکٹوں سے شکست دی، میچ میں بھارتی فاسٹ بولر محمد سراج اپنی انگلی زخمی کروا بیٹھے۔ 2018ء کے بعد محمد سراج نے اپنا پہلا ٹی ٹونٹی میچ گزشتہ روز نیوزی لینڈ کے خلاف کھیلا۔ اس دوران بھارتی فاسٹ بولر محمد سراج جہاں نیوزی لینڈ کی اننگ کے آخری اوور میں رچن روندرا کی وکٹ لینے میں کامیاب ہوئے وہیں اس دوران آخری اوور کی پہلی گیند پر اپنی ہی بال لگنے کے سبب انگلی زخمی کربیٹھے۔

(جاری ہے)

بعد ازاں محمد سراج اور بھارتی کپتان روہت شرما کی ایک ویڈیو سوشل میڈیا پر وائرل ہوتی نظر آئی جس میں روہت کو مزاحیہ انداز میں سراج کے سر پر تھپڑ مارتے دیکھا جاسکتا ہے جس پر بولر نے مسکرا کر رد عمل دیا۔ وائرل ویڈیو پر سوشل میڈیا صارفین تجسس کا شکار ہیں کہ روہت شرما نے کس بات پر سراج کو سر پر ہاتھ مارا۔