ڈبلیو بی سی چیمپئن شپ،پاکستانی باکسر محمد وسیم نے سلور ٹائٹل اپنے نام کرلیا

فلائی ویٹ کیٹگری میں کولمبین باکسر رابر باریرا کیساتھ 12 راؤنڈز پر مشتمل فائٹ میں وسیم کا پلڑا بھاری رہا، 2 مرتبہ عالمی چیمپئن بننے والے واحد پاکستانی باکسر بن گئے

Zeeshan Mehtab ذیشان مہتاب ہفتہ 27 نومبر 2021 10:42

ڈبلیو بی سی چیمپئن شپ،پاکستانی باکسر محمد وسیم نے سلور ٹائٹل اپنے نام کرلیا
دبئی (اردو پوائنٹ تازہ ترین اخبار ۔ 27 نومبر 2021ء ) پاکستان کے مایہ ناز پروفیشنل باکسر محمد وسیم نے ایک اور کامیابی حاصل کرتے ہوئے ڈبلیو بی سی چیمپئن شپ کی فائٹ میں کولمبین باکسر رابر بریرا کو شکست دیکر سلور ٹائٹل اپنے نام کرلیا۔ دبئی میں ہونے والی فلائی ویٹ کیٹیگری میں محمد وسیم کا مقابلہ کولمبیا کے باکسر رابر باریرا سے تھا۔

(جاری ہے)

دونوں باکسرز کے درمیان 12 راؤنڈز پر مشتمل فائٹ میں محمد وسیم کا پلڑا بھاری رہا جس کے بعد ججز نے متقفہ طور پر محمد وسیم کو فاتح قرار دیا۔

اس فتح کے بعد محمد وسیم نے ڈبلیو بی سی کا سلور ٹائٹل جیت لیا۔ اس شاندار فتح کے ساتھ وسیم دو مرتبہ ورلڈ باکسنگ چیمپئن بننے والے واحد پاکستانی بھی بن گئے۔                                                                                                                                                                                      
وقت اشاعت : 27/11/2021 - 10:42:17

مزید متعلقہ خبریں پڑھئیے‎ :

متعلقہ عنوان :