شاہنواز دھانی کے قریبی عزیز انتقال کرگئے

لاڑکانہ (اردو پوائنٹ تازہ ترین اخبار ۔ 6 دسمبر 2021ء ) قومی کرکٹ ٹیم کے فاسٹ بولر شاہنواز دھانی کے انکل کا انتقال ہوگیا جس کی اطلاع انہوں نے سوشل میڈیا کے ذریعے دی ہے۔ سماجی رابطے کی ویب سائٹ ٹوئٹر پر جاری کیے گئے پیغام میں شاہنواز دھانی نے بتایا کہ ’میرے بڑے انکل (تایا) انتقال کرگئے ہیں، اللہ تعالی میرے انکل کو جنت الفردوس میں اعلیٰ مقام عطا فرمائے۔

(جاری ہے)

‘ انہوں نے اپنے مداحوں سے مخاطب ہوتے ہوئے کہا کہ ’میرے انکل کے لیے سورۃ فاتحہ پڑھیں‘۔ واضح رہے کہ شاہنواز دھانی نے پاکستان اور بنگلادیش کے مابین ٹی ٹونٹی سیریز کے آخری میچ میں اپنا انٹرنیشنل ڈیبیو کیا تھا۔