عابد علی کی بلی کو کھانا کھلانے کی ویڈیو وائرل

بدھ 8 دسمبر 2021 21:24

عابد علی کی بلی کو کھانا کھلانے کی ویڈیو وائرل
ڈھاکہ(اُردو پوائنٹ اخبارتازہ ترین - آن لائن۔ 08 دسمبر2021ء) قومی ٹیم کے ابتدائی بلے باز عابد علی کی ڈھاکا ٹیسٹ کے آخری روز بلی کو کھانا کھلانے کی ویڈیو سوشل میڈیا پر وائرل ہو گئی۔پاکستان کرکٹ بورڈ کی جانب سے سوشل میڈیا پر قومی کھلاڑیوں کی کھانے کے وقفے کے دوران کی ایک ویڈیو شیئر کی گئی ہے۔

(جاری ہے)

پی سی بی کی جانب سے ویڈیو کے ساتھ ایک کیپشن بھی تحریر کیا گیا ہے جس میں لکھا گیا ہے کہ صرف قومی ٹیم کے کھلاڑی ہی کھانا نہیں کھا رہے۔

سوشل میڈیا پر شیئر کی گئی ویڈیو میں دیکھا گیا کہ عابد علی ایک پلیٹ میں چاول ڈال کر ڈریسنگ روم سے باہر کی طرف آتے ہیں اور گراؤنڈ میں موجود بلی کو چاول ڈالتے ہیں جو مزے مزے سے انہیں کھا رہی ہے۔پاکستان کرکٹ بورڈ کی جانب سے شیئر کی گئی ویڈیو کو چند ہی منٹوں میں 2 ہزار سے زائد مرتبہ لائکس اور سیکڑوں مرتبہ ری ٹوئٹ کیا جا چکا ہے۔
وقت اشاعت : 08/12/2021 - 21:24:48

مزید متعلقہ خبریں پڑھئیے‎ :