ٹاپ 5 بہترین بلے باز، رکی پونٹنگ ، سائمن کیٹچ نے بابراعظم کو نظرانداز کردیا

سابق کپتان نے جو روٹ جبکہ سابق اوپنر نے مارنس لبوشین کو اپنا فیورٹ بیٹر قرار دیا

Zeeshan Mehtab ذیشان مہتاب اتوار 9 جنوری 2022 18:28

ٹاپ 5 بہترین بلے باز، رکی پونٹنگ ، سائمن کیٹچ نے بابراعظم کو نظرانداز کردیا
سڈنی (اردو پوائنٹ تازہ ترین اخبار ۔ 9 جنوری 2022ء ) سابق آسٹریلوی کرکٹرز رکی پونٹنگ اور سائمن کیٹچ نے اپنے ٹاپ 5 بہترین بیٹرز کی فہرست میں پاکستانی کپتان بابراعظم کو شامل نہیں کیا۔ سابق آسٹریلوی کپتان رکی پونٹنگ نے جو روٹ جب کہ کیٹچ نے مارنس لبوشین کو اپنا فیورٹ بیٹر قرار دیا، بابراعظم سردست ون ڈے انٹرنیشنل کے بہترین بیٹر ہیں جب کہ ٹی 20 میں وہ اپنی ٹاپ پوزیشن حال ہی میں ڈیوڈ مالان کے ہاتھوں کھونے کے بعد دوبارہ حاصل کرچکے ۔

(جاری ہے)

واضح رہے کہ قومی ٹیسٹ کپتان ٹیسٹ میں بھی عمدہ پرفارم کرتے ہوئے ویرات کوہلی کو پیچھے چھوڑتے ہوئے دنیا کے 8ویں بہترین بیٹر بنے ہوئے ہیں۔ 47 سالہ رکی پونٹنگ کے ٹاپ 5 میں روٹ، مارنس لبوشین، کین ولیمسن، سٹیو سمتھ اور ویرات کوہلی موجود ہیں، 46 سالہ سائمن کیٹچ نے لبوشین، روٹ، ولیمسن، روہت شرما اور سٹیو سمتھ کو منتخب کیا۔                                                                                                                                                                                                 
وقت اشاعت : 09/01/2022 - 18:28:03

مزید متعلقہ خبریں پڑھئیے‎ :

متعلقہ عنوان :