فٹبالر کرسٹیانو رونالڈو اور گرل فرینڈ کامیڈرِڈ پہنچنے کیلئے 20 ملین پائونڈز کے پرائیویٹ جیٹ پرسفر

میڈرڈ (اُردو پوائنٹ اخبارتازہ ترین - این این آئی۔ 14 جنوری2022ء) پرتگالی فٹبالر کرسٹیانو رونالڈو اور ان کی گرل فرینڈ جارجینا روڈریگوز نے اسپین کے دارالحکومت میڈرِڈ پہنچنے کے لیے 20 ملین پائونڈز کے پرائیویٹ جیٹ پر سفر کیا۔اس مشہور جوڑے نے میڈرڈ کے ایک لگڑری ہوٹل میں شاندار ڈنر کیا اور ایک ساتھ اچھا وقت گزارا۔اس جوڑے نے میڈرِڈ کے جس لگژری ہوٹل میں قیام کیا، وہ شمالی ہسپانوی کھانوں کیلئے بہت مشہور ہے۔

(جاری ہے)

یہی نہیں یہ ہوٹل کرسٹیانو رونالڈو کا اس وقت سے ہی پسندیدہ ہے جب وہ ریال میڈرڈ کے لیے کھیلتے تھے، اس سے پہلیاور اس کے بعد وہ جووینٹس کا حصّہ رہے اور پھر اس سیزن کے آغاز میں دو سال کے معاہدے پر مانچسٹر یونائیٹڈ کا حصّہ بن گئے ہیں۔خیال رہے کہ کرسٹیانو رونالڈوانجرڈ ہونے کی وجہ سے ایسٹن ولا کے خلاف میچ میں ٹیم سے باہر ہو گئے تھے۔جارجینا روڈریگز سفید رنگ کے ٹاپ، خاکی رنگ کے فًر والے کوٹ اورکالے رنگ کی لیگنگز میں بہت خوبصورت لگ رہی تھیں۔ دوسری جانب رونالڈو سرمئی اور کالے رنگ کے جمپر اور میچنگ ٹراؤزر کے ساتھ بہت دلکش نظر آرہے تھے۔خیال رہے کہ اس جوڑے کے ہاں جلد ہی یہ جڑواں بچوں کی پیدائش متوقع ہے۔