کپتان بابراعظم کی محمد رضوان کو ’مرشد‘ کہنے کی وجہ سامنے آگئی

لاہور (اردو پوائنٹ تازہ ترین اخبار ۔ 17 جنوری 2022ء ) قومی کرکٹ ٹیم کے کپتان بابراعظم کے وکٹ کیپر بیٹر محمد رضوان کو ’مرشد‘ کہنے کی مبینہ وجہ سامنے آگئی۔

(جاری ہے)

حالیہ انٹرویو میں محمد رضوان سے میزبان نے سوال کیا کہ آپ کو ٹیم میں مرشد کے نام سے پکارا جاتا ہے، یہ نام آپ کا کیسے پڑا؟، محمد رضوان مسکرائے اور پھر پوچھا کہ آپ کو یہ بات کہاں سے پتا چلی؟ ،ٹیم میں کپتان مجھے مرشد کہتا ہے، جب بھی ہماری گپ شپ ہورہی ہوتی ہے وہ مجھے اسی نام سے بلاتا ہے۔

محمد رضوان نے کہا کہ میرا بھائی طلحہ جو میری شروع سے دیکھ بھال کر رہا ہے وہ مجھے مرشد کہتا تھا، ٹیم میں اب کپتان مجھے مرشد کہتا ہے جب بھی اس سے دین اور دنیا پر بات ہو وہ مجھے اسی نام سے پکارتا ہے۔