شعیب اختر ایڈونچر کرتے ہوئے بری طرح گِر گئے

مسقط (اردو پوائنٹ تازہ ترین اخبار ۔ 26 جنوری 2022ء ) قومی کرکٹ ٹیم کے سابق سپیڈ سٹار شعیب اختر عمان میں ایڈونچر کرتے بری طرح گِر گئے ۔ شعیب اختر نے اپنے ٹوئٹر اکاؤنٹ پر ایک مختصر ویڈیو شیئر کی جس میں انہیں صحرا میں ہیوی موٹر بائیک چلاتے دیکھا جاسکتا ہے۔ شیئر کردہ ویڈیو میں شعیب اختر سپیڈ میں بائیک چلاتے ہوئے موڑ کاٹنے کی کوشش میں گِر جاتے ہیں جس کی ویڈیو معروف یوٹیوبر عمر خان (یوخانو) بنا رہے ہیں ۔

(جاری ہے)

ہیوی بائیک سے گرنے کے بعد شعیب اختر فوراً سنبھلتے ہیں اور بائیک اٹھاتے ہیں ۔ ویڈیو میں سنا جاسکتا ہے کہ شعیب اختر یوخانو سے کہتے ہیں کہ بڑا مزہ آیا ۔ ویڈیو شیئر کرتے ہوئے شعیب اختر نے لکھا کہ ’عمان کچھ زیادہ ہی خطرناک ہوتا جارہا ہے‘۔