محمد رضوان ، مصباح الحق کا ریکارڈ توڑنے میں ناکام

ملتان کے کپتان نے اسلام آباد کے سابق قائد کا 6 کامیابیوں کا ریکارڈ برابر کردیا

Zeeshan Mehtab ذیشان مہتاب ہفتہ 12 فروری 2022 14:59

محمد رضوان ، مصباح الحق کا ریکارڈ توڑنے میں ناکام
لاہور (اردو پوائنٹ تازہ ترین اخبار ۔ 12 فروری 2022ء ) پی ایس ایل کی ٹیم ملتان سلطانز کے کپتان محمد رضوان اسلام آباد یونائیٹڈ کے سابق کپتان مصباح الحق کا ریکارڈ نہ توڑ سکے۔ پی ایس ایل میں مسلسل فتوحات اپنے نام کرنے والی ملتان سلطانز کو گزشتہ روز لاہور قلندرز کے ہاتھوں 52 رنز سے شکست کا سامنا کرنا پڑا۔ مسلسل چھ میچ جیتنے والی ملتان سلطانز کی ٹیم نے مسلسل فتوحات میں اسلام آباد کا ریکارڈ برابر کردیا۔

(جاری ہے)

2018ء کے پی ایس ایل میں اسلام آباد یونائیٹڈ کے سابق کپتان مصباح الحق نے مسلسل 6 فتوحات کا ریکارڈ قائم کیا تھا، اب یہ ریکارڈ محمد رضوان نے برابر کردیا ہے۔ یاد رہے کہ اسلام آباد یونائیٹڈ مصباح الحق کی قیادت میں دو پی ایس ایل (2016ء ،2018ء) جیت چکی ہے جب کہ ملتان سلطانز نے محمد رضوان کی ہی قیادت میں پی ایس ایل کے گزشتہ سیزن کی ٹرافی اپنے نام کی تھی۔                                                                                                                                                                                                             
وقت اشاعت : 12/02/2022 - 14:59:32

مزید متعلقہ خبریں پڑھئیے‎ :