یو اے ای نے پہلی بار ٹی ٹونٹی ورلڈکپ میں جگہ بنا لی

اماراتی ٹیم نے 1996ء اور 2015ء میں 50 اوور ورلڈ کپ کھیلا تھا جبکہ 2014ء میں پہلی بار 20 اوور کے فارمیٹ میں رسائی حاصل کی تھی

Zeeshan Mehtab ذیشان مہتاب بدھ 23 فروری 2022 16:42

یو اے ای نے پہلی بار ٹی ٹونٹی ورلڈکپ میں جگہ بنا لی
مسقط (اردو پوائنٹ تازہ ترین اخبار ۔ 23 فروری 2022ء ) متحدہ عرب امارات نے پہلی بار ٹی ٹونٹی ورلڈ کپ کے لیے کوالیفائی کر لیا، آئرلینڈ نے بھی میگا ایونٹ کے لیے ٹکٹ بک کروا لی۔ متحدہ عرب امارات نے مسقط میں نیپال کو شکست دینے کے بعد آسٹریلیا میں رواں سال اکتوبر اور نومبر میں ہونے والے ٹی ٹونٹی ورلڈ کپ کے لیے رسائی حاصل کی ہے ۔ کپتان احمد رضا کی شاندار کارکردگی کی بدولت کوالیفائنگ ایونٹ کے سیمی فائنل میں امارات نے نیپال کو 68 رنز سے شکست دی۔

(جاری ہے)

یو اے ای کی نیشنل ٹیم سات سالوں میں پہلی بار اور تاریخ میں صرف چوتھی بار عالمی سطح پر نمائندگی کرے گی۔ انہوں نے 1996ء اور 2015ء میں 50 اوور کا ورلڈ کپ کھیلا تھا جب کہ 2014ء میں پہلی بار 20 اوور کے فارمیٹ میں رسائی حاصل کی تھی۔ دوسری جانب آئرلینڈ نے ہوم ٹیم عمان کو شکست دے کر ٹی ٹونٹی ورلڈ کپ میں جگہ پکی کر لی ہے۔                                                                                                                                                              
وقت اشاعت : 23/02/2022 - 16:42:52

مزید متعلقہ خبریں پڑھئیے‎ :