ورلڈ سنوکر چیمپئن شپ، پاکستان فائنل میں پہنچ گیا

لاہور (اردو پوائنٹ تازہ ترین اخبار ۔ 11 مارچ 2022ء ) پاکستان ورلڈ سنوکر چیمپئن شپ کے فائنل میں پہنچ گیا۔ ورلڈ سنوکرچیمپئن شپ کے سیمی فائنل میں دونوں پاکستانی کھلاڑیوں کے درمیان مقابلہ ہوا۔ قطرکے دارالحکومت دوحا میں جاری ورلڈ سنوکر چیمپئن میں پاکستان کے 16 سالہ احسن رمضان نے سیمی فائنل میں اپنے ہم وطن اور دفاعی چیمپئن محمد آصف کو سخت مقابلے کے بعد شکست دی۔

(جاری ہے)

احسن رمضان نے اپنے ہم وطن محمد آصف کے خلاف 4 کے مقابلے میں 5 فریمز سے فتح اپنے نام کی۔ احسن رمضان اپنے سینئر اور آئیڈیل سابق ورلڈ چیمپئن محمد آصف کو ہرانے کے بعد ان سے گلے ملتے ہوئے رو پڑے ۔ پاکستانی نوجوان کیوئسٹ نے چیمپئن شپ میں 147 کا بریک کھیل کر ورلڈ ریکارڈ بھی اپنے نام کر رکھا ہے۔ دوسرے سیمی فائنل میں پاکستان کے محمد سجاد کو ایران کے عامر کے ہاتھوں شکست کا سامنا کرنا پڑا۔