یاسر شاہ نے ناقابل یقین کیچ پکڑ کر سب کو حیران کردیا

ملتان (اردو پوائنٹ تازہ ترین اخبار ۔ 31 مارچ 2022ء ) پاکستان کے ٹیسٹ لیگ سپنر یاسر شاہ نے ناقابل یقین کیچ پکڑ کر سب کو حیران کردیا۔ گزشتہ روز کھیلے گئے پاکستان کپ کے دوسرے سیمی فائنل میں بلوچستان کے کپتان یاسر شاہ نے اپنی ہی گیند پر بہت ہی شاندار کیچ پکڑا تھا۔ یاسر شاہ نے سندھ کے کھلاڑی حسن محسن کا ناقابلِ یقین کیچ ہوا میں اُڑتے ہوئے پکڑا تو کمنٹیٹرز بھی حیران رہ گئے۔

(جاری ہے)

خیال رہے کہ یاسر شاہ نے پاکستان کپ کے دوسرے سیمی فائنل میں سندھ کے خلاف 10 اوورز میں 54 رنز کے عوض 2 وکٹیں حاصل کی تھیں۔ ایونٹ کے دوسرے سیمی فائنل میں بلوچستان نے سندھ کو 13 رنز سے شکست دے کر فائنل کے لیے کوالیفائی کرلیا ہے جہاں ان کا مقابلہ کل خیبرپختونخوا سے ہوگا۔