آسٹریلیا نے واحد ٹی ٹونٹی مقابلے میں پاکستان کو ہرا دیا

لاہور (اردو پوائنٹ تازہ ترین اخبار ۔ 5 اپریل 2022ء ) سیریز کے واحد ٹی 20 میچ میں آسٹریلیا نے پاکستان کو ہرا دیا ۔ قذافی سٹیڈیم ،لاہور میں کھیلے جارہے واحد ٹی ٹونٹی آسٹریلیا کپتان ایرون فنچ نے ٹاس جیت کر بابراعظم کو پہلے بیٹنگ کی دعوت دی۔ پہلے بیٹنگ کرتے ہوئے مقررہ 20 اوورز میں قومی ٹیم نے 8 وکٹوں کے نقصان پر 162 رنز سکور کیے۔ پاکستان کی جانب سے محمد رضوان اور کپتان بابراعظم نے اننگز کا آغاز کیا، دونوں بلےبازوں نے پہلی وکٹ کی شراکت میں 67 رنز بنائے تاہم رضوان 23 رنز بناکر پویلین لوٹ گئے۔

کپتان بابراعظم نے ایک بار پھر قومی ٹیم کو سنبھالا اور 46 گیندوں پر 2 چھکوں اور 6 چوکوں کی مدد سے 66 رنز بنائے تاہم انکے علاوہ پاکستان کوئی بلےباز قابلِ ذکر کارکردگی دیکھانے میں ناکام رہا۔

(جاری ہے)

افتخار احمد 13، خوشدل شاہ 24، آصف علی 3، حسن علی 10، فخر زمان، شاہین شاہ آفریدی بغیر کوئی رن بنائے آؤٹ ہوئے۔ میچ کے اختتامی لمحات میں عثمان قادر نے جارحانہ بلےبازی کا مظاہرہ کرتے ہوئے 6 گیندوں پر دو چوکوں اور ایک چھکے کی مدد سے 18 رنز بنائے۔

آسٹریلیا کی جانب سے نتھین ایلس نے 4، کیمرون گرین 2، شان ایبٹ اور ایڈم زمپا نے ایک ایک وکٹ حاصل کی۔ ہدف کے تعاقب میں آسٹریلیا کا آغاز اچھا رہا، کپتان ایرون فنچ اور ٹریوس ہیڈ نے اننگز کا آغاز کیا اور دونوں نے 40 رنز کی پارٹنرشپ قائم کی، تاہم ہیڈ جلد وکٹ گنوا بیٹھے۔ کپتان ایرون فنچ نے اپنی کھوئی ہوئی فارم کو حاصل کرتے ہوئے 53 رنز کی ذمہ دارانہ اننگز کھیلی اور ٹیم کی جیت میں اہم کردار ادا کیا، دیگر کھلاڑیوں میں جوش انگلس 24، مارک اسٹونس 23، مارکس لبوشین اور کیمرون گرین 2، 2 جبکہ شان ایبٹ بغیر کوئی رنز بنائے آؤٹ ہوئے۔

پاکستان کی جانب سے عثمان قادر اور شاہین شاہ آفریدی نے 2، 2 جبکہ حارث رؤف اور محمد وسیم نے ایک ایک وکٹ حاصل کی۔پاکستان نے اس سے قبل ایک روزہ سیریز میں شان دار کارکردگی کا مظاہرہ کرتے ہوئے 1-2 سے کامیابی حاصل کی تھی۔ آسٹریلیا نے ٹیسٹ سیریز میں پاکستان 0-1 سے زیر کیا تھا۔ میچ کے لیے پاکستانی ٹیم میں بابراعظم (کپتان)، محمد رضوان، فخرزمان، آصف علی، افتخار احمد، خوشدل شاہ، محمد وسیم، حسن علی، شاہین شاہ آفریدی، حارث رؤف، عثمان قادر شامل ہیں جب کہ آسٹریلیا کی ٹیم ایرون فنچ (کپتان)، ٹریوس ہیڈ، جوش انگلیس، مارنوس لبوشین، مارکوس اسٹوئنس، کیمرون گرین، بین مک ڈرموٹ، شین ایبٹ، بین ڈارشوئس، ناتھن ایلیس، ایڈم زیمپا پر مشتمل ہے۔