پاکستان سپورٹس بورڈ ویٹ لفٹر طلحہ طالب کیخلاف عالمی ڈوپنگ انکوائری سے لاعلم

لاہور (اردو پوائنٹ تازہ ترین اخبار ۔ 7 اپریل 2022ء ) ڈی جی پاکستان سپورٹس بورڈ کرنل ریٹائرڈ آصف زمان نے ویٹ لفٹر طلحہ طالب کے معاملے پر ڈوپنگ انکوائری سے لاعلمی کا اظہار کردیا ۔ ان کا کہنا ہے کہ پی ایس بی کو بتائے بغیر انٹرنیشنل ٹیسٹنگ باڈی کا پاکستان آکر چلے جانا اچھا نہیں ہے ، ہم کوشش کریں گے مستقبل میں کوئی ایسا واقعہ نہ ہو، ہم تمام فیڈریشنز کو لیٹر لکھ رہے ہیں کہ تمام معاملات پر آگاہی پروگرام کریں ۔

(جاری ہے)

رپورٹس کے مطابق ایک غیر ملکی ڈوپنگ ایجنسی نے لاہور اور گوجرانوالہ میں سات پاکستانی ویٹ لفٹر کے ڈوپ ٹیسٹ لیے ہیں۔ جس میں گزشتہ سال ہونے والے ٹوکیو اولمپکس میں 5ویں پوزیشن پانے والے طلحہ طالب کے بلڈ سمپل میں قوت بخش ممنوعہ ادویات کے کچھ اجزا رپورٹ کیے گئے ہیں جس کی تحقیقات ہورہی ہیں۔