7 قومی کبڈی کھلاڑیوں کے بھی ڈوپ ٹیسٹ پازٹیو آگئے

لاہور (اردو پوائنٹ تازہ ترین اخبار ۔ 12 اپریل 2022ء ) 2 ویٹ لیفٹرز کے بعد 7 قومی کبڈی کھلاڑیوں کے بھی ڈوپ ٹیسٹ پازیٹو آنے کا انکشاف ہوا ہے۔ جنوری میں نیشنل کبڈی چیمپئن شپ پنجاب سٹیڈیم، لاہور میں ہوئی تھی جس میں 13 کھلاڑیوں کے ڈوپ سیمپل جمع کیے گئے تھے۔ ذرائع کے مطابق اس چیمپئن شپ میں پاکستان کبڈی فیڈریشن نے خصوصی طور پر کھلاڑیوں کے ڈوپ ٹیسٹ کرائے تھے، جس پر فیڈریشن حکام کو بھاری اخراجات بھی برداشت کرنا پڑے۔

(جاری ہے)

ان میں سے 7 کھلاڑی ایسے ہیں جن کی رپورٹ میں قوت بخش ممنوعہ ادویات کے اجزا پائے گئے ہیں۔ ان کھلاڑیوں میں 4 بڑے نام بھی شامل ہیں جو انٹرنیشنل سطح پر پاکستان کی نمائندگی کرکے شہرت پا چکے ہیں۔ ان کھلاڑیوں پر پابندی کے لگانے کے فیصلہ کے حوالے سے ایک انکوائری کمیٹی تشکیل دی جارہی ہے۔