نیدرلینڈز ٹیم کے کوچ دل کا دورہ پڑنے کے بعد کوما میں چلے گئے

لندن (اردو پوائنٹ تازہ ترین اخبار ۔ 19 اپریل 2022ء ) نیدرلینڈز کرکٹ ٹیم کے کوچ ریان کیمپبل دل کا دورہ پڑنے کے بعد لندن کے اسپتال میں زیر علاج ہیں۔ غیر ملکی خبر رساں ادارے کے مطابق سابق وکٹ کیپر بیٹر ریان کیمپبل آئی سی یو میں کومے کی حالت میں ہیں، 50 سالہ ریان کیمپبل گھر میں بچوں کے ساتھ کھیلتے ہوئے گر گئے تھے۔

(جاری ہے)

ریان کیمپبل نے انٹرنیشنل کرکٹ میں آسٹریلیا اور ہانگ کانگ کی نمائندگی کی۔

کیمپبل نے 44 برس کی عمر میں بھارت میں ہونے والے ٹی ٹونٹی ورلڈ کپ 2016ء میں ہانگ کانگ کی نمائندگی کی اور معمر ترین کرکٹر قرار پائے۔