انگلش کرکٹ بورڈ نے لارڈز میں اپنی پہلی افطار تقریب کی میزبانی کی

لندن (اردو پوائنٹ تازہ ترین اخبار ۔ 22 اپریل 2022ء ) انگلینڈ اور ویلز کرکٹ بورڈ (ECB) کی جانب سے لارڈز کرکٹ گراؤنڈ میں پہلی افطار تقریب کی میزبانی کے دوران متعدد اعلیٰ شخصیات نے شرکت کی۔ یہ تقریب سٹیڈیم کے مشہور لانگ روم میں ہوئی اور اس کی میزبانی معروف کرکٹ کمنٹیٹرز عاطف نواز اور تمینہ حسین نے کی۔ معروف کرکٹ رائٹر جارج ڈوبل، یارکشائر کے سابق کرکٹر عظیم رفیق کے ساتھ حاضرین میں شامل تھے۔

ایم سی سی کے صدر، کلیئر کونر اور پاکستان سپورٹرز گروپ نے بھی تقریب میں شرکت کی۔

(جاری ہے)

یہ تقریب شاندار کامیابی سے ہمکنار ہوئی کیونکہ لوگوں نے کھانے اور تہواروں سے بھرپور لطف اٹھایا۔ لوگوں نے اس افطار تقریب کو سراہا کیونکہ انہیں رمضان کے مقدس مہینے میں روزے کی اہمیت کے بارے میں معلوم ہوا۔ یہ پہلا موقع تھا کہ سٹیڈیم کے احاطے میں افطار کی تقریب ہوئی۔ پچھلے سال میریلیبون کرکٹ کلب (MCC) نے نرسری پویلین میں افطار تقریب کا انعقاد بھی کیا، جو لارڈز نرسری گراؤنڈ کو دیکھتا ہے۔