ویسٹ انڈیز سے ون ڈے میچز سہ پہر 4 بجے شروع کرنے کی تجویز

لاہور (اردو پوائنٹ تازہ ترین اخبار ۔ 17 مئی 2022ء ) پورا ملک شدید ترین گرمی کی لپیٹ میں ہے اس دوران لاہور میں قومی کرکٹ ٹیم کا کنڈیشنگ کیمپ شروع ہوگیا ہے۔ ذرائع کا کہنا کہ آئندہ ماہ پنڈی میں ویسٹ انڈیز کے خلاف ون ڈے سیریز کے میچ سہ پہر چار بجے شروع کرنے کی تجویز ہے جو رات 12 بجے ختم ہوں گے۔ جون میں پنڈی شدید گرمی کی لپیٹ میں ہوگا ۔

(جاری ہے)

عام طور پر پاکستان میں ون ڈے دوپہر دو بجے شروع ہوتے ہیں ۔

میچز 4 بجے سے رات 12 بجے تک چلنے کے باعث دھوپ ضرور کم ہوگی لیکن موسم گرم ہی ہوگا اور اس کے بعد فلڈ لائٹس آن ہونے سے اس میں اضافہ ہوگا۔ ون ڈے میچز ملتان منتقل ہوتے ہیں تو وہاں گرمی اور زیادہ ہوگی۔