سابق آسٹریلوی فاسٹ بولر بریٹ لی وقار یونس کی یارکرز نہ بھول سکے

سابق پاکستانی فسٹ بولر جس تیزی سے گیند اندر لاتے تھے وہ انکی زبردست خوبی تھی، دائیں ہاتھ کے بلے بازوں کیلئے وقار کے ریورس سوئنگ یارکرز بہت خطرناک تھے، کسی بلے باز کو انہیں سمجھنے کا موقع نہیں ملتا تھا: سابق آسٹریلین پیسر

Zeeshan Mehtab ذیشان مہتاب جمعرات 19 مئی 2022 13:20

سابق آسٹریلوی فاسٹ بولر بریٹ لی وقار یونس کی یارکرز نہ بھول سکے
لاہور (اردو پوائنٹ تازہ ترین اخبار ۔ 19 مئی 2022ء ) سابق آسٹریلوی فاسٹ بولر بریٹ لی قومی کرکٹ ٹیم کے ریورس سوئنگ سپیشلسٹ وقار یونس کی یارکرز نہیں بھولے۔ سڈنی کرکٹ گراونڈ میں پہلی بار منقعد ہونے والی عید ملن پارٹی کی تقریب سے خطاب کرتے ہوئے آسٹریلیا کے لیجنڈ فاسٹ بولر بریٹ لی کا کہنا تھا کہ سابق پاکستانی فسٹ بولر وقار یونس جس تیزی سے گیند کو اندر لاتے تھے وہ ان کی زبردست خوبی تھی۔

انہوں نے کہا کہ دائیں ہاتھ کے بلے بازوں کے لیے وقار یونس کی ریورس سوئنگ یارکرز بہت خطرناک تھیں جبکہ کسی بلے باز کو انہیں سمجھنے کا موقع نہیں ملتا تھا۔
یاد رہے کہ قومی کرکٹ ٹیم کے 50 سالہ سابق فاسٹ بولر نے 1989ء سے 2003ء کے دوران پاکستان کی نمائندگی کرتے ہوئے 87 ٹیسٹ اور 262 ون ڈے انٹرنیشنل میچز کھیلے جس میں انہوں نے بالترتیب 373 اور 416 وکٹیں حاصل کیں۔

(جاری ہے)

اس موقع پر تقریب میں کرکٹ آسٹریلیا کے چیف ایگزیکٹو نک ہوکلے، سڈنی کرکٹ گراونڈ کے چیئرمین نیل میکسوئل، آسٹریلیا میں پاکستان کے ہائی کشمنر زاہد حفیظ اور معروف رگبی کھلاڑی سونی بل ویلیم سمیت مسلم اور دوسری کمیونٹی کے افراد نے شرکت کی۔ تقریب کے دوران پہلی بار سڈنی کرکٹ گراونڈ میں اذان کے بعد نماز بھی پڑھی گئی جبکہ تقریب کا انعقاد سابق فاسٹ بولر وقار یونس کے عزیز کامل خان نے کی تھی۔
وقت اشاعت : 19/05/2022 - 13:20:45

مزید متعلقہ خبریں پڑھئیے‎ :