ڈوپنگ کے سبب ویٹ لفٹر طلحہ طالب کامن ویلتھ گیمز سے باہر

عالمی فیڈریشن نے طلحہ طالب اور ابوبکر غنی کے بارے میں حتمی صورتحال سے تاحال اپ ڈیٹ نہیں کیا جسکی وجہ سے ممکنہ طور پر دونوں ویٹ لفٹرز کامن ویلتھ گیمز میں حصہ نہیں لے سکیں گے: ذرائع پاکستان ویٹ لفٹنگ فیڈریشن

Zeeshan Mehtab ذیشان مہتاب ہفتہ 21 مئی 2022 11:44

ڈوپنگ کے سبب ویٹ لفٹر طلحہ طالب کامن ویلتھ گیمز سے باہر
لاہور (اردو پوائنٹ تازہ ترین اخبار ۔ 21 مئی 2022ء ) کامن ویلتھ گیمز میں پاکستان کے ٹاپ ویٹ لفٹرز طلحہ طالب اور ابوبکر غنی ڈوپ ٹیسٹ میں ناکامی اور عالمی فیڈریشن کی جانب سے معطلی کے باعث ملک کی نمائندگی نہیں کر سکیں گے۔

(جاری ہے)

پاکستان ویٹ لفٹنگ فیڈریشن کے ذرائع نے اس بات کی تصدیق کرتے ہوئے جنگ کو بتایا ہے کہ عالمی فیڈریشن نے ان دونوں ویٹ لفٹرز کے بارے میں حتمی صورت حال سے تاحال ہمیں اپ ڈیٹ نہیں کیا ہے جس کی وجہ سے ممکنہ طور پر دونوں ویٹ لفٹرز کامن ویلتھ گیمز میں حصہ نہیں لے سکیں گے۔

طلحہ طالب کے ساتھ ابوبکر غنی نے اینٹی ڈوپنگ قوانین کی خلاف ورزی کی تھی۔ طلحہ طالب نے ٹوکیو اولمپکس میں پاکستان کی نمائندگی کی تھی۔ ان دونوں کے علاوہ شرجیل بٹ، غلام مصطفیٰ، عبدالرحمان اور فرحان امجد بھی ڈوپنگ قوانین کی خلاف ورزی کے مرتکب ہونے کے باعث عارضی طور پر معطلی کا شکار ہیں۔                                                                                                                                                                                                
وقت اشاعت : 21/05/2022 - 11:44:52

مزید متعلقہ خبریں پڑھئیے‎ :

متعلقہ عنوان :