بین الاقوامی فرائض کی وجہ سے شاہین آفریدی اس سیزن مڈل سیکس واپس نہیں آئیں گے

لاہور (اردو پوائنٹ تازہ ترین اخبار ۔ 23 مئی 2022ء ) پاکستانی فاسٹ بولر شاہین شاہ آفریدی جاری کاؤنٹی چیمپئن شپ اور بلاسٹ ٹی ٹونٹی میں مڈل سیکس کاؤنٹی کرکٹ کلب کی نمائندگی کے لیے انگلینڈ واپس نہیں آئیں گے۔ تفصیلات کے مطابق آسٹریلوی انٹرنیشنل جیسن بہرنڈورف ٹی ٹوئنٹی بلاسٹ میں شاہین شاہ آفریدی کے متبادل کے طور پر مڈل سیکس کو جوائن کرنے والے ہیں۔

(جاری ہے)

مڈل سیکس کائونٹی کے ایک بیان میں کہا گیا ہے کہ بہرنڈورف شاہین شاہ آفریدی کے متبادل کے طور پر آئے ہیں کیوں کہ پاکستانی پیسر اس سیزن میں مڈل سیکس میں واپسی نہیں کریں گے ، پاکستان کے ساتھ ان کے بین الاقوامی وعدوں کی وجہ سے ٹی ٹونٹی بلاسٹ میں ان کی دستیابی محدود ہے۔ واضح رہے کہ شاہین شاہ آفریدی کو ویسٹ انڈیز کے خلاف ون ڈے سیریز کے بعد مڈل سیکس کو جوائن کرنا تھا۔