لانگ مارچ میں شریک پی ٹی آئی کارکن کی پولیس شیل کیچ کرنے کی ویڈیو وائرل

لاہور (اردو پوائنٹ تازہ ترین اخبار ۔ 26 مئی 2022ء ) پاکستان تحریک انصاف کے لانگ مارچ کے دوران 25 مئی کو پنجاب کے کئی شہروں میں پولیس اور پی ٹی آئی کارکنان کے درمیان جھڑپیں ہوئی جس دوران کارکنوں کو منتشر کرنے کے لیے پولیس کی جانب سے آنسو گیس کی شیلنگ کی گئی۔ اس دوران لاہور میں پی ٹی آئی کارکن کے آنسو گیس کے شیل کو کیچ کرنے کی ایک ویڈیو وائرل ہو رہی ہے۔

(جاری ہے)

ویڈیو میں ایک کارکن کو منہ پر کپڑا باندھے مخالف سمت سے آئے شیل کو کیچ کرتے اور پھر اس شیل کو دوسری سمت پھینکتے دیکھا جاسکتا ہے۔ شیل کو مہارت سے کیچ کرنے کی یہ ویڈیو سوشل میڈیا پر وائرل ہے اور سوشل میڈیا صارفین نے اسے کیچ آف دی منتھ قرار دیا۔