پنڈی میں ممکنہ کشیدگی ،پاک، ویسٹ انڈیز ون ڈے سیریز ملتان منتقل

لاہور (اردو پوائنٹ تازہ ترین اخبار ۔ 26 مئی 2022ء ) پاکستان اور ویسٹ انڈیز کے درمیان ہونے والی ون ڈے سیریز پنڈی سے ملتان منتقل کردی گئی۔ ذرائع کا کہنا ہے کہ پاکستان کرکٹ بورڈ (پی سی بی) نے اس بارے میں حکومت سے رائے مانگی تھی۔ ذرائع نے بتایا کہ پی سی بی کی جانب سے سیریز منتقلی کا باضابطہ اعلان آج شام تک متوقع ہے، کرکٹ بورڈ نے ہوٹل کی بکنگ اور ایئر لائن بکنگ شروع کردی ہے۔

(جاری ہے)

پنڈی میں ممکنہ کشیدگی کی وجہ سے حکومت نے میچ شفٹ کرنے کی اجازت دی ہے، سیریز بائیو سیکیورببل کے بغیر ہوگی۔ پنجاب حکومت کی جانب سے دونوں ٹیموں کو غیر ملکی سربراہوں کے مساوی سکیورٹی دی جائے گی۔ خیال رہے کہ ویسٹ انڈیز کی ٹیم 5 جون کو ملتان پہنچے گی جب کہ 3 ایک روزہ میچوں کی سیریز کا پہلا میچ 8 جون کو کھیلا جائے گا۔