ایک بار آئینہ دیکھو، عمر اکمل کے الزام پر مکی آرتھر کا ردعمل

لاہور (اردو پوائنٹ تازہ ترین اخبار ۔ 15 جون 2022ء ) قومی ٹیسٹ کرکٹر عمر اکمل کے الزام پر قومی کرکٹ ٹیم کے سابق ہیڈ کوچ مکی آرتھر کا ردعمل سامنے آگیا۔ سماجی رابطے کی سائٹ ٹوئٹر پر جاری اپنے پیغام میں مکی آرتھر نے عمر اکمل کو مخاطب کرتے ہوئے کہا ہے کہ انہیں آئینہ دیکھنا چاہیے۔ خیال رہے کہ گزشتہ دنوں عمر اکمل نے ایک بار پھر مکی آرتھر پر الزام لگایا ہے کہ انہوں نے ان کا کیریئر خراب کردیا۔

انہوں نے یہ بھی کہا تھا کہ اس وقت کی سلیکشن کمیٹی اور مقامی کوچز نے میری حمایت نہیں کی۔

(جاری ہے)

اس سے قبل عمر اکمل نے اگست 2017ء میں پریس کانفرنس کرتے ہوئے کہا تھا کہ مکی آرتھر نے ان کے خلاف نازیبا زبان استعمال کی، گالیاں دیں اور کہا کہ آپ کو قومی اکیڈمی میں داخل ہونے کی اجازت کس نے دی، جاکر کلب کرکٹ کھیلیں۔ پاکستان کے سابق ہیڈ کوچ مکی آرتھر نے عمر اکمل کے الزامات کو مسترد کرتے ہوئے کہا تھا کہ انہوں نے عمر اکمل کو کوئی گالی نہیں دی، وہ جھوٹ بول رہے ہیں۔