پاکستان کو سری لنکا کے خلاف سیریز میں کامیابی سمیٹنی چاہیے، عاقب جاوید

لاہور (اردو پوائنٹ تازہ ترین اخبار ۔ 25 جون 2022ء ) قومی کرکٹ ٹیم کے سابق فاسٹ بولر عاقب جاوید کا کہنا ہے کہ آسٹریلیا کی نسبت پاکستانی ٹیم سری لنکا میں کامیابی سمیٹ سکتی ہے۔ لاہورقلندرز کے ہائی پرفارمنس سینٹر میں میڈیا سے بات کرتے ہوئے ڈائریکٹر کرکٹ لاہور قلندر اور سابق ٹیسٹ فاسٹ بولر عاقب جاوید کا کہنا تھا کہ سری لنکا میں پاکستانی ٹیم کو مشکل نہیں ہوگی،وہاں کی پچز اور کنڈیشنز قومی کھلاڑیوں کو فائدہ دیتی ہیں، آسٹریلوی ٹیم کو ہمیشہ سری لنکا میں مسائل کا سامنا کرنا پڑا ہے۔

(جاری ہے)

انہوں نے کہا کہ پاکستانی بیٹرز سپنرز کو اچھا کھیلنے کی اہلیت رکھتےہیں، میرے نزیک تو یہ سیریز پاکستان کو جیتنی چاہیے۔ یہ درست ہےکہ ہمیں مڈل آرڈر بیٹنگ کے ساتھ سپن بولنگ اور آل راونڈرز کے شعبے میں مشکلات کا سامنا ہے۔ سابق فاسٹ بولر نے دعویٰ کیا کہ ہمیں 140 کی سپیڈ والے 20 بولرز مل گئے ہیں جس سے قومی ٹیم کو مسئلہ نہیں ہوگا البتہ کوالٹی سپنرز کی تعداد کم ہے، ہماری ٹیم میں جو خامیاں ہیں، ان پر توجہ دینے کی ضرورت ہے۔