پشاور زلمی کے صدر اور سابق کپتان انضمام الحق اور ڈائریکٹر کرکٹ محمد اکرم نے ٹرائلز لئے

اسلام آباد (اُردو پوائنٹ اخبارتازہ ترین - این این آئی۔ 01 جولائی2022ء) پشاور زلمی کے صدر اور سابق کپتان انضمام الحق اور ڈائریکٹر کرکٹ محمد اکرم نے ٹرائلز لیے ۔زلمی یو کے ٹیلنٹ کا دوسرا مرحلہ گلاسگو میں منعقد ہوا ،سابق ٹیسٹ کرکٹر نوشاد علی اور گلاسگو میں پاکستان کے قونصل جنرل سید زاہد رضا ٹرائلز کے موقع پر موجود تھے ۔برطانیہ میں جاری پشاور زلمی یو کے ٹیلنٹ کا دوسرا مرحلہ گلاسگو میں منعقد ہوا۔

(جاری ہے)

پشاور زلمی کے صدر اور سابق کپتان انضمام الحق اور ڈائریکٹر کرکٹ محمد اکرم نے ٹرائلز لیے ،سابق ٹیسٹ کرکٹر نوشاد علی بھی اس موقع پر موجود تھے ، گلاسگو میں پاکستان کے قونصل جنرل سید زاہد رضا ٹرائلز کے موقع پر موجود تھے ،نوشاد علی نے کہا کہ پشاور زلمی کرکٹ کے فروغ کے لئے بہترین کام کر رہی ہے اور ان ٹرائلز سے نیا ٹیلنٹ سامنے آئیگا ،گلاسگو میں پاکستان کے قونصل جنرل سید زاہد رضا نے کہا کہ پشاور زلمی مقبول فرنچائز ہیں اور کرکٹ کے فروغ کے لئے ان کی خدمات قابل تعریف ہیں ، ٹرائلز کا تیسرا مرحلہ برمنگھم میں منعقد ہوگا ،برمنگھم کے بعد لٹن ، برسٹل لندن اور بریڈ فورڈ میں بھی ٹرائلز ہوں گے۔